星星都會叫～

終於都買到隻星星叫喇～多謝個店員姐姐走左入倉搵到最後一隻俾我～（我懷疑係第二個店員私人留俾朋友而哩位姐姐又唔知情，所以拎埋俾我～：Ｐ）但俾錢既時候佢問我哩個公仔中文叫做乜名？？我咪指住個盒話ＳＴＡＲ ＳＣＲＥＡＭ嘛～咪“星星叫“囉～佢以為我講笑。。。。
（返而之前有同事問過我“星星叫“既英文名係乜～我講完佢都係唔係好信～因為佢話一真以為佢係“猩猩“叫）

應節

今年又去左全城哈佬喂～順手影張相應下節。（因為受害人面容過份扭曲，為免觀眾不安，所以畫面經過特別處理）

咁又一年～

原本今年生日諗住請日假去玩下～，點知又咁o岩有Freelance做，都係冇得抖～
好彩ＢＯＯＫ左去食蟹，仲要係放題～正～～～
原來我食哂成隻蟹都唔使五分鐘～

taipei tour 2006

如果唔係林小姐話要去睇ＡＲＡＳＨＩ既演唱會，我都未必會再去台灣，因為真係冇乜野行，所以今次都係目標為本去左三日兩夜咁大把，不過o係林小姐既精心安排下，都算行程豐富，除左因為天氣唔好而冇放天燈之外，所有行程都去得哂，去左UC既新店食左碗麵同買左盒茶葉，食過鼎泰豐同上閤屋再食埋明明唔好食又勁熱氣既豪大大雞排（真係好豪又好大），坐過摩天輪同睇左ＩＭＡＸ版＜超人回歸＞再加埋山長水遠去埋烏來山頂浸個溫泉，當然唔少得今次最主要既ＡＲＡＳＨＩ演唱會（唔知點解好似個個台灣ＦＡＮＳ都識日文咁～），唯一真係冇乜洗過錢買野（慳返Ｄ都好既）～

就算連日本總店都冇得食既乾麵～杯野飲仲叫做“But Beautiful“添～

行過總係想買返塊既豪大大雞排（真係好大塊，但其實好薄。）

ＡＲＡＳＨＩ＠台北巨蛋～Ｄ ＦＡＮＳ都睇得好ＨＩＧＨ～

棟篤show

黃子華既棟篤笑已經算係我定為“必定要捧場“之一既show，雖然入場前阿"立方人“已經叫我唔好咁大期望，但我真係估唔到今次既棟篤笑會係咁冇主題，更冇時事，所以點都有Ｄ比想像中差既感覺。由其係佢一開始講既食物鏈，我仲一心諗住佢點發揮，以為真係今次個ＳＨＯＷ既主軸，點知話左兩講就冇左下文。。。成場都係一堆散ＧＡＧ咁，覺得佢好似冇乜時間酬備咁。