日本風情畫～（ＰＡＲＴ 3）

今次重點要去既景點﹣橫濱o既八景島，有睇過《一公升眼淚》既應該會認得下哩度

哩幾隻白鯨個樣幾搞笑，睇表演都係其次～其實入八景島最想係買條海豚電話繩比女友做生日禮物。

哩個係鎌倉大佛其實都未有香港果個咁大，不過就型ＤＤ

拉麵博物館有可以自己畫公你既杯麵～同埋好鬼恐佈既地下拉麵街

三譍之森博物館，主打當然係天空之城個機械人啦（其他地方都唔影得相。。）

哩度係吉祥寺既出名炸牛肉球～真係要排隊買。。。但係味道一般Ｏ者。

今次終於去到傳說中既代代木公園既跳蚤市場～可惜咁o岩落雨又冇乜時間之餘，仲要係今次行程最後一站（即係冇乜ＹＥＮ剩）所以都冇買到野 >_<

ＴＡＲＡＫＯ~~ ＴＡＲＡＫＯ~~

哩隻kewpie tarako既ＣＭ係池袋某機舖門口不停播住，搞到首歌入哂腦，成日都哼住～ＴＡＲＡＫＯ～ＴＡＲＡＫＯ～～（ＴＡＲＡＫＯ即係明太子）

日本風情畫～（ＰＡＲＴ 2）

今次一落機就走去借電話~估唔到部機都ok good喎~ 開頭以為得d out爆或者勁大部既機添~:p

o係池袋等jacob食飯既時候走左去GIGO夾公仔~哩個係"明太子"黎架~

終於都去到表參道山~以為冇乜野可以買到既情況下都買左盒奈良美智子既糖，而表參道山點睇都真係好似朗豪坊~~唯一最有驚喜既係佢出面成幅燈墻做d人行過既animation~幾型

去左南青山間uc~一如意料中好似人俾洗劫完咁~但都買左隻手鐲~而且係今次買得最貴既野(肉赤中~~ >_<),而係cdg見到d綠色心心唔係好o岩心水~所以諗住行完就算，但係竟然俾我地見到有個好熟口面既人~~我同女友都問左對方一句"你覺唔覺佢好熟口面？"睇真d真係阿玲姐本人~~ohohoh~~

今年既台場冒險王活動冇左我地最想去既one piece船,但就有個北斗之拳既館，入面最耤得睇既係會場中間既雷奧@黑王號既大公仔同埋5 mins既3d立體動畫(要帶眼鏡睇果d~)
最後當然唔少得"進貢"哩個環節啦~我都係買左d濕星野~而我覺得佢最有創意既product係第二話出場既大叔拎住果包"種子"，當然而家哩包野真係食得既~~

日本風情畫～

返左黎兩日，都好似冇乜時間整理手頭上既相，今日睇返原來自己去左日本成個星期，都不過影左五百張相，仲要有好多都係影左Ｄ戰利品，原來自己都唔算係鐘意ＳＮＡＰ ＳＨＯＴ既人，得果1Ｇ卡都打唔爆，失敗。

大出血~~

今個月真係大出血，o岩o岩先至買完個幪面超人，果頭俾我見到哩隻合金既價錢終於回返六年前既水平，當年見平冇買到，之後睇住佢一日貴過一日就梗加唔會買，難得今時今日佢又回得返四字頭既水位，所以都唔諗咁多囉，最多下星期去日本買少返一二隻玩具補數啦。

first~~

雖然唔算係我第一隻買既12寸公仔，但係佢應該算係我買既玩具之中最最最貴既一隻（當然唔計Ｄ遊戲機在內啦），記憶所及，對上果次買最貴既係“超力電磁俠“既超合金，都不過係＄850，而且仲係1999年既事。

不過今次走唔甩，令我買左哩個公仔既除左佢的確做得幾靚之外，主要係我朋友既一句“買左最勁／好／貴果隻就唔使花錢買其他濕濕碎碎果Ｄ又細隻又做得唔靚“，本人十分之認同，試想想如果你屋企有個1：1黑武士，你仲要買其他黑武士公仔咩？

定係好似朋友ＫＥＮＮＴＨ（化名）咁講，有錢既話就請個人返黎日日淨係企Ｏ係度扮黑武士都仲得。