今年Ｅ３少o左Ｄ乜？？

E3都完左咁耐，但係“三大主機之爭”都仲係大家茶餘飯後o既話題。在下冇話捧邊部主機多D，因為就咁睇上去，好似三部主機都有好有唔好，不過最吸引到在下o既，可以話係PS3 o既遊戲陣容，因為單睇好似VIRTUA FIGHTER 5 同 METAL GEAR SOILD 4哩Ｄ“獨佔“o既大GAME就已經好有叫座力，所以當佢仲公佈埋隻一開二o既FF XIII o既時候，實在令在下都有D意外，不過睇吓睇吓，PS3公開o既遊戲片段當中，好似少o左D野咁喎。

觀乎整個 E3展出既遊戲當中，唔知大家發唔發覺冇o左CAPCOM o既BIOHAZARD 5同埋DEVIL MAY CRY 4 o既踪影呢？其實相隔o左一年，冇乜哩由冇哂聲氣，就算真係做唔切DEMO片，用返上年條宣傳片再加多幾個鏡頭都一樣可以見得下人o者。由其係今屆PS3要哂馬既時候，返而唔見o左CAPCOM哩兩隻GAME，咁就更加令人懷疑CAPCOM除o左BIO5之外，都想將隻DMC4出埋o係其他主機度。始終遊戲廠商都係向錢看，如果PS3真係唔能夠再獨霸機壇，而XBOX360又o係歐美等地日漸強大o既時候，CAPCOM再一次做出“BIO 4反骨“事件絕對唔係出奇o既事。

買！唔買～

之前同朋友講開無線既星期二檔案講KIDULT，就話其實我算唔算係KIDULT哩？？我話：「如果話我係傑斗，不如話我係半個OTAKU仲似D。」因為OTAKU同KIDULT係生活態度上係唔同既，最其本我覺得有閒錢買Ｄ貴夾唔包既野黎玩下既咪算KIDULT，但如果冇錢開飯都要買玩具就一定係OTAKU。

自問由細到大都鐘意動畫野，亦試過儲儲埋埋Ｄ飯錢買玩具，但今時今日買玩具既心態唔多唔少都有D改變，就好似哩隻“Ｖ型電磁俠“咁（我諗要年過三十至知佢係乜），而家返出超合金，我都應詃會仆到去買，但今日去到玩具舖既時候又會諗：「隻野就咁一盒成千蚊好似真係幾肉赤，如果哩一千蚊唔用黎買佢又好似可以買到好多其他野咁～再諗諗個機械人係由五架飛機合體既，咁除返開就一架咁既飛機仔就要二百個大洋～～」一諗到哩到就即刻打消左買既諗頭......

不過今日冇買到佢既主要原因係：我左格右格，格到最平果間舖竟然賣哂.........(>_<)"

聞西～

終於都睇左Da Vinci Code，因為自己懶，本小說睇左咁耐都未睇到五份一，所以諗住入到戲院就可以兩個鐘就"精讀"哂成個古仔，但係套戲果然精過精讀班，所有野都近乎冇乜解釋既情况下帶過就算～，好彩Ryan一早借左ＤNational Geographic既解開達聞西密碼同Discovery Unlock Da Vinci Code等等既Documentary俾我，仲叫我要係入場前睇哂佢，如果唔係一定睇得冇咁開心。

女朋友睇完套戲之後，都半信半疑咁問我套戲講既野係唔係真既？唔怪之得陳日君都叫人唔好去睇。。。～

個作者都係左抄抄右抄抄咁搵人地Ｄ料再加埋佢自己既想像力至作到個咁既古仔Ｏ者～睇古我就唔駁古，但都要叫大家咪咁單純信埋Ｄ咁既野啦～冇宗教信仰既咪當古仔睇囉～返正真唔真係都唔會走信教既，而有宗教信仰就梗加冇理由信外人都唔信自己教會架～係咪？？

未解決~~

估唔到哩句“人人都有壓力“同“未解決"咁有威力，段片俾人forward再forward，又俾人key埋中英字幕，以為佢都俾人玩得七七八八啦，點知有人出左張咁既海報......真似冇話可說～

的確很型～

Apple開新舖，之前懶神秘咁包到黑哂，原來真面目係間型爆玻璃屋。間舖就咁睇就得個ＬＯＧＯ，賣野既地方o係哂地牢，型就真係幾型，但係我睇睇下仲係覺得勁似羅𣶶宫（冇計，哩排Da Vinci Code咁紅，成日都睇到羅𣶶宫o既相）。

咁快就有FF13玩具～

FF13先至o岩o岩係Ｅ３叫做正式公佈，哩頭就見到有佢既玩具出，都咪話唔勁～睇黎SQUAER-ENIX都幾等錢使。

mac in black~

o岩o岩哩頭講開notebook，果頭就即刻見到apple黎個黑白雙剎，講真～八千幾至萬二蚊哩個價都算吸引，而且都黑得幾靚：Ｐ，不過都係引阿"正方人“買左先～因為佢曾經講過ibook出黑色就即買，睇黎今次佢都走唔甩～～

notebook~

近排又開始心癢癢想買notebook，但係好似睇極都唔o岩咁，當然$$都係一個好重要既因素。

而我又開始諗起sony當年哩部notebook，我覺得佢都算係sony機中我最想買既一部，可惜而家就算買到o既話，部機既性能都out哂啦~>_<

超人

自從上次電影節咁o岩阿民有飛淨，叫埋我去睇套“懞面超人the First"之後，好似忽然又鐘意左哩個新做型既1號同2號，因為我雖然細細個都有睇開懞面超人，但有d印像既都要數到V3，所以不嬲都對最舊既一二號冇乜感情，而家佢翻拍過哩套咁經典既the First, 都叫做可以俾我搵個借口買下一二號既玩具~~:p

開始有Ｄ野～

原來人一得閒Ｄ就會諗下搞Ｄ野，但當果三分鐘熱度一過左又會好似乜野都冇發生過咁，而且人越大就越冇行動力，都係果句“年紀大，機器壞～“